பிரபல ஹாலிவுட் நடிகர் கார்ல் ரெய்னர் காலமானார்…
1593668297000
எழுத்தாளர், தயாரிப்பாளர், இயக்குனர் மற்றும் நடிகர் என ஹாலிவுட் திரையுலகில் பன்முகத் திறமைகளுடன் ஜொலித்து வந்தவர் நகைச்சுவை நடிகர் கார்ல் ரெய்னர். 98 வயதான இவர், வயது மூப்பு காரணமாக கடந்த திங்கள் கிழமை, கலிபோர்னியாவின் பெவர்லி ஹில்ஸில் உள்ள அவரது வீட்டில் இயற்கை எய்தினார். இந்தத் தகவலை அவரது உதவியாளர் ஜூடி நாகி அறிவித்துள்ளார்.
கார்ல் ரெய்னர் இயற்கை எய்திய தகவலை அவரது மகனும் இயக்குனருமான ராப் ரெய்னர் ட்விட்டரில் உறுதிப்படுத்தியுள்ளார். ”என் தந்தை காலமாகிவிட்டார். எனக்கு கலங்கரை விளக்கமாக இருந்தவர் அவர். அவரது மறைவால் வேதனையில் இருக்கிறேன்” என்று தெரிவித்துள்ளார். மூத்த நடிகரான கார்ல் ரீய்னர் மறைவுக்கு ஹாலிவுட் பிரபலங்கள் இரங்கல் தெரிவித்து வருகின்றனர்.